Hil-kanpaiak joka
gerrarako oihuka
hiru seme hilentzat
hiru kanpai beltzak.

Biltzen da herria
arrangura da hurbil;
hiru pena gehiago
memorian eramateko.

Nork ito malkotan
daudenen arrazoia
altxor bakar duten
gorputz gazte arnasa?

Zabal ene tripa
haien deskantsurako,
ene baratzetik
ekar lore onenak.

Gizon hauentzat
zula nazazue sakon
ene gorputzean
zizelka haien izenak.

Ezein ekaitzek
ez dezala nahasi
burua tenteturik
hildakoen loa.