Ekarri zaituztegunak
etsaiak eta lagunak
begi eta gogo argiak
dira behar ditugunak
Oi, au, hustuak
beteko manifestuak

Teilatuetako kedarrak
airera hiri zaharrak
doinuak leundu ote
ditzake gure negarrak?
Oi, au, laztuak
leundu manifestuak

Egoeraren zorrotzak
eguneroko morrontzak
ostu egiten dizkigu
gureak ziren ahotsak
Oi, au, ostuak
itzuli manifestuak

Eta eskuak eskuari
emanaldi bat opari
zer kantatu behar zaio
kantuz ez dakienari?
Oi, au, eskuak
dakargu manifestua