Mendi-tontor ta zelai
baserri ta uri
danak ageri dira
elurragaz zuri.

Ta itsas antzar aldrak
agur-agur guri
ihes-iheska doaz
negute honeri.

Basamortuetatik
urten da behartsa
otso goseti eta
baita bela baltsak.

Neguan damotze zan
jasanaldi latzak
beroki ez usatzen
dabiz aberatsak.

Beste aldetik baina
txiro ta arrotzak
lur jota jarri ditu
negute zorrotzak.

Soineko arinakaz
dantzan dabiz hotzak
urdailak hutsik eta
elkar joten hortzak